Húsasalan og Hrafnhildur Björk Baldursdóttir löggiltur fasteignasali, sími 862-1110, [email protected], kynna:

EIGNIN ER SELD MEÐ FYRIRVARA UM FJÁRMÖGNUN!

Fallega, vel skipulagða og mikið endurnýjaða 5 herbergja útsýnisíbúð á 4. og efstu hæð í snyrtilegu og vel umgengnu fjölbýli, ásamt bílskúr í sérstæðri bílskúrslengju. Þrjú svefnherbergi, voru áður fjögur og því auðvelt að útbúa fjórða svefnherbergið úr hluta af stofu. Íbúðin hefur verið mikið endurnýjuð að innan á síðustu árum. 

Stórkostlegt útsýni! Stutt í leik- og grunnskóla og fjölbreytta þjónustu. Heildarhúsinu hefur verið vel viðhaldið (sjá lista neðar í auglýsingu). Birt stærð íbúðar er 105,6 fm skv. HMS, geymslu 7,4 fm og bílskúrs 22 fm, samtals 135 fm.

Smelltu hér til að horfa á 360 gráðu leiðsögn um íbúðina.

Íbúð staðsett í fjölskylduvænu hverfi. Örstutt göngufæri í grunnskóla, leikskóla, tómstundir og fjölbreytta þjónustu.

Gengið er inn í parketlagða forstofu, sem er með upprunalegum fataskápum. Þrjú svefnherbergi eru samliggjandi við gang, öll eru þau teppalögð (Desso Airmaster frá Gólfefnavali) og í hjónaherbergi eru upprunalegir fataskápar. Baðherbergið er með góðri innréttingu, háum línskáp, upphengdu salerni, sturtuklefa auk þess sem stæði og tengi er fyrir þvottavél og þurrkara. Stofan og borðstofan eru afar bjartar og þaðan er stórkostlegt útsýni yfir borgina til vesturs. Afar auðvelt væri að loka borðstofu og útbúa fjórða svefnherbergið. Úr stofu er gengið út á rúmgóðar vestursvalir. Eldhúsið er með U-laga innréttingu beggja vegna gangs, neðri skápum og efri að hluta. Hluti af innréttingu eru heilir skápar frá gólfi nánast upp í loft. Borðkrókur er í eldhúsi. Vönduð innbyggð heimilistæki fylgja, þ.e ísskápur, uppþvottavél og örbylgjuofn.

Sérgeymsla í kjallara.

Bílskúr í sérstæðri bílskúrslengju (endaskúr). Rafmagn, miðstöðvarofn og kalt rennandi vatn. Bílskúrinn er vel einangraður.

Húsgjöld eru samtals 37.160 kr. á mánuði. Engar fyrirhugaðar framkvæmdir á vegum húsfélaga.

Sameiginleg hjóla- og vagnageymsla í kjallara.

Sameiginlegt þvottahús í kjallara.

Aðkeypt þrif á sameign og þjónusta við tunnuskipti en sorplúga er á hverri hæð.

Hiti í gangstéttum utan við húsið.

Þekkt viðhaldssaga íbúðar:
Baðherbergi endurnýjað fyrir um 9 árum, gólfhiti.
Eldhús endurnýjað árið 2021.
Rafmagn dregið innan íbúðar árið 2021 og nýleg rafmagnstafla innan íbúðar.
Árið 2021 og 2022:
Skipt um öll gólfefni og gólflista á þurrýmum.
Gluggar málaðir í stofu og baðherbergi.
Gluggakistur í stofu pússaðar og olíubornar.
Allar hurðar teknar úr, þrifnar, pússaðar og lakkaðar. Hurðarbúnaður yfirfarinn.

Þekkt viðhaldssaga heildarhúss og stigagangs:
2013 skolplagnir fóðraðar og dren lagt við suðurhlið hússins (gafl á húsi númer 18).
2014-2016 húsið múrviðgert og málað, svalahandrið hækkuð, bílskúrar klæddir og sömuleiðis anddyri stigaganga auk þess sem nýtt gler, póstar og opnanleg fög í gluggum voru endurnýjuð.
2016 stigagangur málaður og teppalagður. Sameign í kjallara máluð árið 2013.
2018 skipt um þakjárn, pappa og timbur þar sem þurfti.
2019 skipt um glugga og gler í svefnherbergjum (ál að utan, tré að innan).
2021-2022 skipt um rafmagnstöflu í sameign.
2021-2022 nýjar eldvarnarhurðir í allar íbúðir. 
2021 skipt trjágróður í sameiginlegum garði.
2022 skipt um allar útidyrahurðir í stigagöngum heildarhússins.

Nánari upplýsingar um eignina veitir Hrafnhildur Björk Baldursdóttir löggiltur fasteignasali í síma 862-1110 eða [email protected]

Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Húsasalan bendir væntanlegum kaupendum á að kynna sér vel ástand eigna við skoðun og fyrir tilboðsgerð og leita til sérfræðinga um nánari ástandsskoðun sé talin þörf á slíku. Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýisingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrtu um ástand og eiginleika þeirra hluta fasteigna sem ekki eru aðgengilegir og sjást ekki með berum augum, s.s. lagnir, dren, skólp og þak.