HÚSIÐ ER SELT 

Fallegt parhús neðan götu með glæsilegu útsýni. Húsið á tveimur hæðum ásamt innbyggðum bílskúr á fjölskylduvænum stað í Kópavogi.  Aukaíbúð er á neðri hæð hússins, sem auðvelt er að breyta í fyrra horf og sameina aðalíbúðinni.

Birt stærð eignarinnar er 223,8 fm þ.a. er innbyggður bílskúr 22,8 fm. 
Bókið skoðun á netfangið [email protected] eða í síma 655-9000 Geir Sigurðsson lögg. fasteignasali sýnir eignina.

Parhúsið er staðsett í fjölskylduvænu hverfi þar sem er stutt göngufæri í leikskóla, grunnskóla og tómstundir auk þess er í hverfinu fjölbreytt þjónusta. 
 
Efri hæðin (götuhæð) skiptist í innbyggðan bílskúr, geymslu, forstofu, forstofuherbergi, snyrtingu, stigahol, eldhús með borðkrók, borðstofu og dagstofu með útsýni og vestursvölum.. 
Neðri hæðin skiptist í herbergi, sjónvarpsstofu, þvottaherbergi, hjónaherbergi og baðherbergi inn af hjónaherbergi. Svaladyr eru úr hjónaherbergi út á verönd. Einnig er á neðri hæðinni rúmgóð ósamþykkt íbúð með sérinngangi sem skiptist í forstofugang, herbergi / stofu, eldhús og baðherbergi (skv. teikningu skiptist neðri hæðin í fjögur herbergi, sjóvarpssofu, þvottaherbergi og tvö baðherbergi - auðvelt er að breyta skipulaginu til samræmis við teikningar- (5 svefnherbergi skv. teikningu).  
Nánari lýsing:
Komið er inn í forstofu með gólfflísum. Parketlagt forstofuherbergi með fataskáp. Snyrting með gólfflísum. Eldhús með borðkrók, gólfflísar. Nýlegt stórt Samsung helluborð, vifta og veggofn. Parketlagður gangur og stofur með innfelldri lýsingu góðri lofthæð, glæsilegu útsýni og vestur-svölum. Parketlagt stigahol með mikilli lofthæð og þakglugga. Parketlagður stigi niður á neðri hæðina.
Á neðri hæðinni er komið inn á parketlagðan gang. Parketlagt herbergi. Sjónvarpsstofa meðinnfelldri lýsingu og gólfflísum. Þvottaherbergi með skápum, skolvask og gólfflísum. Hjónaherbergi með gólfflísum, fataskáp og  svaladyrum út á verönd. Innaf hjónaherbergi er baðherbergi með baðinnréttingu, baðskáp, vegghengdu salerni, sturtu, glugga, handklæðaofn, hita í gólfi, gólf- og veggflísum á hluta veggja.
Studioíbúð er í hluta neðri hæðarinnar með sér inngangi þar sem komið er inn í forstofugang með gólfflísum, eldhús er parketlagt, eldhúsinnrétting er með eldavél og er tengingar fyrir uppþvottavél. Stór parketlögð stofa / herbergi, fataskápur. Stórt baðherbergi með gólfflísum og veggflísum á hluta veggja, baðinnréttingu, baðkari og sturtu. Studioíbúðin er ósamþykkt sem sér íbúð. 
Innbyggður bílskúr er með heitu og köldu vatni, geymslulofti og er geymsla inn af bílskúr. 
Ljósleiðari. 

Nánari upplýsingar veitir Geir Sigurðsson löggiltur fasteignasali í síma 655-9000 eða [email protected].